Мема. Славутасці

Настольная гульня "Мема. Славутасці" пазнаёміць вас з архітэктурнай спадчынай Беларусі. На картах размешчаныя будынкі розных часоў пабудовы, розных архітэктурных стыляў і прызначэння - ад цэркваў і касцёлаў да вакзалаў і тэатраў.

У гульні ёсць тры варыянты правілаў:
Класічны варыянт гульні, у якім трэба шукаць пары карт з аднолькавымі славутасцямі.

Варыянт гульні "Інфраструктура" дадасць разнастайнасці класічным правілам і зробіць ваш асобнік гульні ўнікальным.

У варыянце "Храналогія" вас чакае камандная гульня, у якой трэба будзе выкласці будынкі ў храналагічнай паслядоўнасці.

Важным дадаткам да гульні з'яўляецца брашура з цікавымі фактамі аб славутасцях.